Lestu um leikinn: Stjarnan 3 -  0 Keflavík

„Ég til í að sjá hvort þetta hafi verið mark því mér fannst hann ekki vera inni," sagði Kristrún eftir leikinn í gær en henni fannst markið svolítið slá Keflavík út af laginu. „Mér fannst við eiga að stíga upp eftir það mark sem við gerðum ekki."

Kristrún birti myndband af markinu á samfélagsmiðlinum Twitter í dag en hún er greinilega ósátt við að það hafi verið dæmt gott og gilt.

„Ég skil ekki ákvörðun dómara að dæma þetta mark þegar reglurnar eru skýrar um að allur boltinn þarf að vera inni. Hér er hann svo langt frá því. Er þetta standardinn í efstu deild? Dæmi hver fyrir sig," skrifar Kristrún en hægt er að sjá myndbandið af markinu hér fyrir neðan.

Það er nokkur erfitt að sjá frá þessu sjónarhorni að boltinn hafi verið allur inni, en líkt og Kristrún segir: 'Dæmi hver fyrir sig'.