Byrjunarlið KR og Víkings R: Ingvar Jónsson á bekknum hjá Víkingum

Rúnar Kristinsson gerir þrjár breytingar á liði sínu frá bikarslagnum gegn Njarðvík. Kjartan Henry Finnbogason, Theodór Elmar Bjarnason og Pontus Lindgren koma inn í liðið. Stefán Alexander Ljubicic og Sigurður Bjartur Hallsson fá sér sæti á bekknum. Finnur Tómas Pálmason er utan hóps hjá KR í kvöld.

Arnar Bergmann Gunnlaugsson gerir fimm breytingar frá sigrinum gegn Selfossi í Mjólkurbikarnum. Oliver Ekroth, Erlingur Agnarsson, Halldór Smári Sigurðsson, Nikolaj Hansen og Davíð Örn Atlason koma allir inn í liðið hjá Víkingum í kvöld. Ingvar Jónsson snýr aftur á bekkinn hjá Víkingum en hann hefur verið að glíma við meiðsli.