Aron segir KR hafa tekið fram úr Víkingi - „Þeir eru bensínlausir og haltrandi“

„Við erum að spila á móti góðu liði. Góðu bensínlausu, haltrandi liði. Við eigum bara að vinna þá. Þeir eiga eftir að tapa stigum, það er allt opið í þessu. Við þurfum að gera okkar og sjá hvar það skilar okkur,“ sagði Aron jafnframt.

Átta stig eru á milli KR og Víkings. Er raunhæfur möguleiki að þið getið unnið Íslandsmeistaratitilinn. „Þetta er galopið. Við þurfum að gera okkar. Við keyrum á þetta,“ sagði Aron og var í kjölfarið spurður um muninn á liðunum í leik kvöldsins.

„Mér finnst við hafa tekið fram úr þeim. Erum besta liðið á landinu í dag. Við hugsum um okkur. Það tók okkur tvö ár að verða besta lið landsins. Ef þeim tekst að haltra í átt að þessum titli þá klappa ég fyrir þeim. En við erum að koma,“ sagði Aron að lokum.