Lengjudeild kvenna: Jafnt hjá Augnablik og Völsungi

Augnablik og Völsungur áttust við í eina leik dagsins í Lengjudeild kvenna og kom Björk Bjarmadóttir Kópavogsstúlkum yfir snemma leiks.

Mark hennar reyndist þó ekki nóg gegn botnliðinu frá Húsavík því Krista Eik Harðardóttir jafnaði á 65. mínútu.

Meira var ekki skorað í leiknum og jafntefli niðurstaðan. Völsungur er tíu stigum frá öruggu sæti í Lengjudeildinni á meðan Augnablik siglir lygnan sjó um miðja deild.

Það tekur tíma fyrir stöðutöfluna að uppfærast.