Jude Bellingham.
Enski miðjumaðurinn Jude Bellingham hefur átt magnað tímabil fyrir Real Madrid en það er áhyggjuefni fyrir spænska stórveldið að leikmaðurinn hafi verið að spila í gegnum sársauka að undanförnu.
Hinn tvítugi Bellingham fór úr axlarlið í leik gegn Rayo Vallecano í síðasta mánuði.
Að undanförnu hefur hann spilað í gegnum sársauka en hann skoraði í 4-2 sigri gegn Napoli á dögunum.
Núna segir The Athletic frá því að Bellingham þurfi mögulega að fara í aðgerð til að leysa vandamálið algjörlega. Það eru þó engin plön um aðgerð á þessari stundu.
Ef Bellingham fer í aðgerð, þá mun það líklega taka hann tvo mánuði að jafna sig.
Athugasemdir
