Ísak Bergmann: Veit að ekkert sem ég segi mun láta ykkur líða betur
Ísak Bergmann Jóhannesson.
Mynd: Fótbolti.net - Hafliði Breiðfjörð
Ísak Bergmann Jóhannesson.
Mynd: Fótbolti.net - Hafliði Breiðfjörð
Landsliðsmaðurinn Ísak Bergmann Jóhannesson segir í færslu á samfélagsmiðlum að hann skilji reiði stuðningsmanna Fortuna Düsseldorf með ákvörðun hans að fara til Köln.
Ísak Bergmann er 22 ára gamall Skagamaður sem hefur spilað í atvinnumennsku síðustu sex árin. Hann hefur varið síðustu tveimur tímabilum hjá Düsseldorf og komist í mikið uppáhald hjá stuðningsmönnum félagsins.
Ísak Bergmann er 22 ára gamall Skagamaður sem hefur spilað í atvinnumennsku síðustu sex árin. Hann hefur varið síðustu tveimur tímabilum hjá Düsseldorf og komist í mikið uppáhald hjá stuðningsmönnum félagsins.
TENGT EFNI
Stuðningsmenn Düsseldorf gjörsamlega trylltir út af fréttunum um Ísak
Þeir voru því mjög reiðir þegar hann ákvað að skrifa undir hjá erkifjendunum. Köln virkjaði 5,5 milljón evra riftunarákvæði í samningi hans.
„Ég veit að ekkert sem ég segi mun láta ykkur líða betur," segir Ísak við stuðningsmenn Fortuna. „Ég skil hvernig ykkur líður."
„Ég hef hugsað mikið til ykkar og þessi ákvörðun var ekki auðveld. En ungur strákur átti draum um að spila í Bundesligunni og núna fær þessi strákur tækifæri til að upplifa drauminn."
„Ég veit að mörg ykkar munu hata mig en tilfinningar mínar gagnvart félaginu eru þær sömu. Riftunarákvæðið var virkt og ég þurfti að taka ákvörðun."
Ísak er þakklátur fyrir tíma sinn hjá félaginu. „Þessi tvö ár hafa verið algjörlega mögnuð. Ég hef hitt stórkostlegt fólk, vini til lífstíðar og minningar sem verða í hjarta mínu að eilífu. Eins og ég segi, þá skil ég ykkar tilfinningar og virði þær. En ungi strákurinn innra með mér tók ákvörðunina og átti sér draum," segir Skagamaðurinn.
„Ég veit að ekkert sem ég segi mun láta ykkur líða betur," segir Ísak við stuðningsmenn Fortuna. „Ég skil hvernig ykkur líður."
„Ég hef hugsað mikið til ykkar og þessi ákvörðun var ekki auðveld. En ungur strákur átti draum um að spila í Bundesligunni og núna fær þessi strákur tækifæri til að upplifa drauminn."
„Ég veit að mörg ykkar munu hata mig en tilfinningar mínar gagnvart félaginu eru þær sömu. Riftunarákvæðið var virkt og ég þurfti að taka ákvörðun."
Ísak er þakklátur fyrir tíma sinn hjá félaginu. „Þessi tvö ár hafa verið algjörlega mögnuð. Ég hef hitt stórkostlegt fólk, vini til lífstíðar og minningar sem verða í hjarta mínu að eilífu. Eins og ég segi, þá skil ég ykkar tilfinningar og virði þær. En ungi strákurinn innra með mér tók ákvörðunina og átti sér draum," segir Skagamaðurinn.
