Heldur utan um tölfræði um uppalda leikmenn og meðalaldur - Áhugaverðar tölur

Besta deild karla
Í Bestu deild karla er Þór það lið sem flestar mínútur fara til uppaldra leikmanna, eða 75% allra mínútna. Í síðasta leik Þórs voru 10/11 leikmenn í byrjunarliði liðsins uppaldir hjá Þór. Breiðablik kemur svo í öðru sæti, þar hafa 55% af mínútunum farið til uppaldra leikmanna.

Valur er með fæstar mínútur til uppaldra leikmanna, en einungis 1% af mínútunum hefur farið til uppaldra leikmanna. Meðalaldur byrjunarliðs í deildinni er 25,6 ár eftir 56 spilaða leiki.

FH er með yngsta meðalaldurinn í deildinni. Byrjunarliðið hefur að meðaltali verið 23,4 ára gamalt. Þór, ÍBV, ÍA og KR koma þar á eftir með um tveimur árum eldri byrjunarlið að meðaltali. Stjarnan er með elsta byrjunarliðið í deildinni, Víkingur, Breiðablik og Valur eru með aðeins yngri lið.

Alls hafa 29% mínútna í Bestu deild karla farið til uppaldra leikmanna og hafa 3,2 uppaldir leikmenn að meðaltali verið í byrjunarlið hvers liðs.

Besta deild kvenna
Í Bestu deild kvenna er Breiðablik duglegast að spila á uppöldum leikmönnum, en 58% mínútna liðsins hafa farið til uppaldra Blika. Fram er þar neðst, en engin mínúta hefur farið til uppalins leikmanns.

Valur er með yngsta liðið í Bestu deild kvenna, meðalaldur upp á 21,1 ár. Öll liðin í Bestu deild kvenna eru með lægri meðalaldur en næstyngsta liðið í Bestu deild karla. Meðalaldur byrjunarliðs í deildinni er 22,5 ár eftir 35 leiki.

Í kvennadeildinni hefur 32% mínútna farið til uppaldra leikmanna og eru að meðaltali 3,4 uppaldir leikmenn í hverju byrjunarliði.

Hægt er að lesa sér betur til um tölurnar á síðunni hans Sævars.

Smelltu hér til að skoða síðuna