Fyrsta sinn í 19 ár sem lið úr næstefstu deild fer í bikarúrslit

Ljóst er að annað hvort Afturelding eða Fylkir muni leika til úrslita í Mjólkurbikarnum en liðin mætast í undanúrslitum bikarsins í lok júlí.

Verður það í fyrsta sinn í nær tvo áratugi sem lið úr 1. deild leikur í úrslitaleik bikarsins. Síðasta liðið til að afreka það var Fjölnir árið 2007.

Þá mættu Fjölnismenn FH-ingum á Laugardalsvelli. Matthías Guðmundsson skoraði bæði mörk FH en Gunnar Már Guðmundsson, núverandi þjálfari Fjölnis, skoraði mark Grafarvogsliðsins.

Fjölnir fór upp um deild sama ár vegna fjölgun úr 10 liða efstu deildar í 12 liða. Liðið komst aftur í bikarúrslit ári seinna en tapaði þá fyrir KR.

Í hinum undanúrslitaleiknum mætir Breiðablik Íslandsmeisturum Víkings á Kópavogsvelli. Sá leikur fer fram 28. júní.