Aron Einar á leið í Þór

Aron er 37 ára og er næstleikjahæsti leikmaður í sögu karlalandsliðsins með 110 landsleiki. Hann kom við sögu í báðum landsleikjunum í síðasta landsleikjahléi. Hann er fyrrum landsliðsfyrirliði og leiddi íslenska liðið á bæði EM og HM.

Það er ljóst að um mikla lyftistöng fyrir Þór er að ræða, Þórsarar eru nýliðar í Bestu deildinni og eru þar í botnbaráttu sem stendur. Liðið er í næstneðsta sæti og hafði tapað sjö leikjum í röð fyrir leikinn gegn FH í gær, en sá leikur endaði með jafntefli.

Þórsarar ætla að styrkja sig enn frekar í glugganum og hafa leikmenn eins og Guðmundur Andri Tryggvason og Árni Vilhjálmsson verið orðaðir við félagið.