Malen, Maguire, Rashford, Greenwood, Yoro, Eriksen og fleiri góðir í slúðri dagsins
   lau 02. júlí 2022 20:00
Guðmundur Aðalsteinn Ásgeirsson
Herzogenaurach
Líklegust til að svindla í spilum? - Sé ansi dugleg að láta í sér heyra
Tíu sérfræðingar svara tíu spurningum fyrir EM
Icelandair
Gunnhildur og Hallbera eru báðar með mikið keppnisskap og þykja líklegar til að svindla í spilum.
Gunnhildur og Hallbera eru báðar með mikið keppnisskap og þykja líklegar til að svindla í spilum.
Mynd: Fótbolti.net - Hafliði Breiðfjörð
Ingibjörg Sigurðardóttir.
Ingibjörg Sigurðardóttir.
Mynd: Fótbolti.net - Hafliði Breiðfjörð
Berglind Björg Þorvaldsdóttir.
Berglind Björg Þorvaldsdóttir.
Mynd: Fótbolti.net - Hafliði Breiðfjörð
Það styttist í Evrópumótið þar sem íslenska landsliðið verður í eldlínunni. Við fengum nokkra vel valda sérfræðinga til að svara tíu spurningum sem tengjast landsliðinu okkar.

Á næstu dögum munum við birta þessar spurningar og svör sérfræðinganna við þeim. Að þessu sinni er spurningin: Hver er líklegust til að svindla í spilum (einnig hægt að túlka sem: Hver er með mesta keppnisskapið)?

Bára Kristbjörg Rúnarsdóttir, aðstoðarþjálfari Selfoss
Þetta er einfalt svar en það er mín heimakona af Skaganum, Hallbera Guðný Gísladóttir, sem myndi gera hvað sem er til að vinna.

Eiður Ben Eiríksson, þjálfari
Þær eru klárlega allar með gríðarlegt keppnisskap en ég held að Hallbera sé líklegust til þess að missa stjórn á skapinu og finna allar mögulegar leiðir að sigri í spilum og öllu sem tengist keppni.

Eva Björk Ben, RÚV
Ég held að keppnisskapið í Söru Björk sprengi alla eðlilega skala.

Guðbjörg Gunnarsdóttir, fyrrum landsliðsmarkvörður
Ingibjörg! Hún er ein svakalegasta keppnismanneskja sem ég hef kynnst. Vill vinna allt og alla.

Helena Ólafsdóttir, fyrrum landsliðsþjálfari
Ég held að Hallbera taki þennan titil. Gæti séð hana fyrir mér að svindla aðeins og veit að hún hefur mikið keppnisskap.

Ingunn Haraldsdóttir, KR
Ætla að giska á að Ingibjörg gefi lítið eftir og sé ansi dugleg að láta í sér heyra ef hún er að tapa og láti allavega ekki svindla á sér.

Kristján Guðmundsson, þjálfari Stjörnunnar
Alveg ljóst að helstu spila svindlararnir eru framherjarnir.

Nik Chamberlain, þjálfari Þróttar
Ég þekki ekki leikmennina alveg nægilega vel til að geta gefið gott svar um þetta, en ég fékk það svar frá góðum heimildarmanni að Gunný myndi 100 prósent svindla.

Orri Rafn Sigurðarson, fréttamaður
Þetta er auðveldasta spurning sem ég hef fengið. Berglind Björg er eins mikið auto hérna og það verður. Sel það ekki dýrara en ég keypti það en hef heyrt frá öðrum í liðinu að Glódís Perla sé sett í herbergi með Berglindi þar sem hún er sú eina sem getur haldið henni rólegri eftir tap í Sequence eða ef kaffibollinn hennar á leikdegi er ekki á hárréttu hitastigi þegar hún fær hann í hendurnar. Hef upplifað það sjálfur og það var ekki fögur sjón.

Sandra María Jessen, Þór/KA
Það er sennilega sú okkar sem er með mesta keppnisskapið og það er Sara Björk. Hún gerir allt, bókstaflega allt, til að vinna. Því tel ég hana líklegasta í að taka svindlið á sig til að vinna.

Sjá einnig:
Hvaða þrír leikmenn eru mikilvægastir í okkar liði?


Athugasemdir
banner
banner
banner
banner
banner