Arnór Sig með fyrirliðabandið í Grikklandi

Skagamaðurinn er kominn á fullt hjá Kalamata eftir að hafa gengið til liðs við félagið frá Malmö í sumar.

Arnór var í byrjunarliðinu í síðasta heimaleik og hélt sæti sínu gegn Volos í kvöld. Ekki nóg með það heldur bar hann einnig fyrirliðabandið.

Hann fékk gult spjald á 15. mínútu og ellefu mínútum síðar komst Kalamata yfir. Arnór kom síðan við sögu í öðru marki liðsins þegar leikmaður Volos reif hann niður. Flestir bjuggust við aukaspyrnu en leikurinn fékk að halda áfram og Erik Hamza sendi boltann á Julian Bonetto sem skoraði.

Arnór var einn nokkurra leikmanna sem var tekinn af velli í hálfleik. Volos vann sig aftur inn í leikinn eftir hlé þegar Jan Hurtado minnkaði muninn áður en Matias Gonzalez jafnaði sjö mínútum fyrir leikslok.

Lokatölur urðu 2-2 en leikið er í deildarfyrirkomulagi í gríska bikarnum, líkt og í Meistaradeildinni. Fjögur efstu liðin fara beint í átta liða úrslit en liðin í fimmta til tólfta sæti fara í umspil um hin fjögur sætin.