Óskar Hrafn: Aron er hæsta stigs maður

Þjálfari KR, Óskar Hrafn Þorvaldsson, var spurður út í ummæli fyrirliðans. Óskar sagði að munurinn á liðunum væri stöðugleikinn sem Víkingur hefði sýnt í lengri tíma.

„Aron er hæsta stigs maður og ég ætla ekki að draga hann niður. Á okkar besta degi erum við jafngóðir ef ekki betri en þeir, en þeir hafa þann eiginleika að þeir sýna meiri stöðugleika yfir lengri tíma. Við erum ekki komnir þangað þar sem þeir eru," sagði Óskar við Fótbolta.net eftir leikinn.

Ummælin ekki svaraverð
Sölvi Geir Ottesen, þjálfari Víkings, var spurður út í ummæli Arons í viðtali á Sýn Sport eftir leikinn.

„Ég kýs að svara því ekki. Það er ekki mikið vit í því sem hann er búinn að vera segja síðustu daga. Kýs að svara því ekki. Ekki svaravert," sagði Sölvi og vísaði með því einnig í ummæli Arons í síðustu viku þar sem hann sagði að tímabilið hjá Víkingi væri undir í Evrópuleiknum gegn Borac.

KR og Víkingur eiga eftir að mætast aftur í efri hluta deildarinnar en deildinni verðu skipt í efri og neðri hluta eftir næstu umferð.