Svissnesku meistararnir hafa áhuga á Stíg

Svissnesku meistararnir í FC Thun hafa samkvæmt heimildum Fótbolta.net áhuga á því að fá Stíg Diljan Þórðarson í sínar raðir frá Víkingi.

Stígur er tvítugur, hávaxinn og snöggur leikmaður sem spilar yfirleitt á vinstri kantinum. Hann glímdi við meiðsli framan af móti en hefur nú verið heill í um einn og hálfan mánuð og spilað nokkuð mikið með Víkingum í deild og Evrópu.

Stígur er uppalinn Víkingur en hann var á mála hjá portúgalska stórliðinu Benfica og ítalska félaginu Triestina á árunum 2022-24. Undir lok árs 2024 sneri hann svo aftur í Víkina og var hluti af meistaraliði Víkings á síðasta tímabili.