Spánn: Antony allt í öllu í öruggum sigri

Real Betis mætti Mallorca í síðasta leik dagsins í spænska boltanum og var brasilíski kantmaðurinn Antony á sínum stað í byrjunarliðinu.

Antony skoraði fyrsta mark leiksins strax á tíundu mínútu og tvöfaldaði svo sjálfur forystuna áður en hann lagði þriðja markið upp fyrir Abde Ezzalzouli. Antony er þar með búinn að skora fjögur mörk og gefa eina stoðsendingu í síðustu þremur deildarleikjum Betis.

Bæði mörk Antony komu með góðum skotum utan vítateigs áður en hann lagði upp fyrir Ezzalzouli með lágri fyrirgjöf.

Betis leiddi því 3-0 í leikhlé og tókst ekki að bæta fleiri mörkum við. Antony var skipt af velli á 83. mínútu.

Betis er í fimmta sæti La Liga eftir þennan sigur, þremur stigum á eftir Atlético Madrid sem situr í meistaradeildarsæti.

Mallorca er í fallbaráttu með 9 stig eftir 11 umferðir.