Nær Howe í fyrsta stigið sitt á Emirates?

Howe hefur þrettán sinnum mætt Arsenal sem stjóri og hefur náð í átta stig úr þeim leikjum, öll stigin hafa komið á heimavelli liðsins sem Howe var þá að stýra.

Newcastle vann gegn Arsenal á heimavelli í fyrra en tapaði á útivelli. Báðir leikirnir enduðu með 2-0 sigri heimaliðsins. Hann heimsótti Emirates fimm sinnum sem stjóri Bournemouth en tapaði öllum leikjunum, öllum nema einum með meira en einu marki.

Newcastle er níu stigum á eftir Arsenal og hefur leikið leik meira. Með sigri kemst liðið upp í annað sætið en ef Arsenal vinnur í kvöld nær liðið tíu stiga forskoti á Manchester City sem á leik gegn Chelsea á fimmtudaginn.

Newcastle og Arsenal voru til umræðu í Enska boltanum hlaðvarpinu sem nálgast má hér að neðan og á öllum hlaðvarpsveitum.