Finnur Tómas
Í gær barst fréttaritara ábending um að Finnur Tómas Pálmason, leikmaður IFK Norrköping, gæti verið á leið í KR á láni. Finnur er tvítugur miðvörður sem er uppalinn hjá KR og varð Íslandsmeistari með liðinu sumarið 2019. Hann gekk í raðir Norrköping í vetur.
Finnur hefur ekki komið við sögu í deildarleik með Norrköping á tímabilinu og ekki verið á bekknum í síðustu leikjum. Hann var hluti af U21 árs landsliðinu sem lék í lokakeppni Evrópumótsins í mars. Fréttaritari heyrði í Rúnari Kristinssyni, þjálfara KR, í morgun og spurði hann út í hvort Finnur væri á leið í KR.
Finnur hefur ekki komið við sögu í deildarleik með Norrköping á tímabilinu og ekki verið á bekknum í síðustu leikjum. Hann var hluti af U21 árs landsliðinu sem lék í lokakeppni Evrópumótsins í mars. Fréttaritari heyrði í Rúnari Kristinssyni, þjálfara KR, í morgun og spurði hann út í hvort Finnur væri á leið í KR.
Rúnar gat ekki tjáð sig um það. „Við erum búnir að skoða fullt af málum og við erum ekki með neitt í hendi. Við erum að vinna í okkar málum, að finna leikmenn og ekkert sem ég get sagt."
„Við erum búnir að vera leita að miðverði, miðjumanni og sóknarmanni í allan vetur en helst höfum við leitað að miðverði eða leikmanni í öftustu varnarlínu."
Væru það vonbrigði að fá engan leikmann inn fyrir gluggalok?
„Já, það væri ekki gott myndi ég segja. Við erum ekki með nægilega mikla breidd sérstaklega í varnarlínunni. Við erum mjög fínir fram á við og á miðjunni. Mig vantar örlítið meiri samkeppni varnarlega."
Hafiði spurst fyrir um að fá Finn Tómas á láni eða boðist að fá hann?
„Af virðingu við þeirra félög og þá sjálfa þá getum við ekki tjáð okkur um leikmenn sem eru samningsbundnir öðrum félögum," sagði Rúnar.
Athugasemdir
