Mér líður frekar illa, sérstaklega þar sem þetta er að gerast í annað skipti hjá okkur. Við vorum að spila á Selfossi í síðustu umferð og það var svipað, komumst í 3-0 og náum að tapa því niður í 3-3 og gerum það sama hér. Komumst í þægilega stöðu, komnir í 2-0 og hleypum Þrótturunum auðveldlega inní leikinn. Ég er gríðarlega svekktur með að hafa ekki tekið sex stig úr seinustu tveim leikjum. Alveg gríðarlega svekktur," er það sem svekktur Ágúst Gylfason sagði um leik Gróttu gegn Þrótti á Vivaldivellinum í kvöld.
Leikurinn endaði með 2-2 jafntefli eftir að Grótta voru 2-0 yfir í hálfleik og er þetta annar leikur þeirra í röð sem þeir missa forystu eftir leikhlé.
Leikurinn endaði með 2-2 jafntefli eftir að Grótta voru 2-0 yfir í hálfleik og er þetta annar leikur þeirra í röð sem þeir missa forystu eftir leikhlé.
Lestu um leikinn: Grótta 2 - 2 Þróttur R.
Dæmt var víti á Gróttumenn í leiknum þar sem Halldór Kristján Baldursson fær að lýta rauða spjaldið. Gústa fannst þetta harður dómur.
Ég sé þetta ekki almennilega en auðvitað er þetta harður dómur. Það er ekkert að gerast hjá andstæðingnum og við erum með leikinn nokkurn veginn undir control og hleypum þeim þarna inní með þessu. Dómarinn dæmir viti og rautt spjald, ég veit ekki hvort þetta sé rétt eða rangt en við þurfum að skoða það betur.
Jafnteflið í kvöld eru fyrstu töpuðu stig Gróttu á heimavelli í sumar og var það plan Gústa að gera Vivaldivöllinn að þeirra vígi í sumar og ætlar hann að halda í vonina um það þrátt fyrir töpuð stig í kvöld.
„Klárlega, það leit þannig út framan af leik en því miður náðum við ekki að halda sigurgöngunni áfram heima en við eigum næsta leik á móti Kórdrengjum úti í næstu viku og við þurfum að svara fyrir þennan leik þar. Það er ekkert öðruvísi.
Viðtalið við Gústa má sjá í heild sinni í sjónvarpinu hér að ofan
Athugasemdir