21 bestu U21 árs leikmennirnir á HM 2026

21. Antonio Nusa (21 árs), Noregur (RB Leipzig) - Var geggjaður fyrir Noreg í undankeppninni og skoraði bæði heima og úti gegn Ítalíu.

20. Ayyoub Bouaddi (18 ára), Marokkó (Lille) - Varnartengiliður sem er gríðarlega þroskaður miðað við aldur. Lék fyrir yngri landslið Frakklands.

19. Ibrahim Mbaye (18 ára), Senegal (PSG) - Gríðarlega hraður og beinskeyttur framherji. Er ekki fastur byrjunarliðsmaður fyrir land eða lið en getur verið öflugt vopn af bekknum.

18. Bazoumana Toure (20 ára), Fílabeinsströndin (Hoffenheim) - Fílabeinsströndin er með gríðarlega spennandi, leiftrandi og skemmtilega kantmenn.

17. Ibrahim Maza (20 ára), Alsír (Bayer Leverkusen) - Sóknarmiðjumaður með mikinn sköpunarmátt. er sagður undir smásjám Manchester City og Atletico Madrid.

16. Luka Vuskovic (19 ára), Króatía (Tottenham (á láni hjá Hamborg)) - Ungur miðvörður á leið á sitt fyrsta stórmót. Verður væntanlega í miðjunni í þriggja miðvarða kerfi Króata.

15. Lucas Bergvall (20 ára), Svíþjóð (Tottenham) - Reynslunni ríkari eftir erfitt tímabil með Spurs. Góður miðjumaður sem tengir saman vörn og sókn.

14. Rayan (19 ára), Brasilía (Bournemouth) - Brasilía er með gott úrval sóknarlega og Rayan verður valkostur til að koma með ógn inn af bekknum.

13. Endrick (19 ára), Brasilía (Real Madrid (á láni hjá Lyon)) - Eftir bras hjá Real Madrid hefur Endrick sýnt magnaða hæfileika sína hjá Lyon þar sem hann hjálpaði liðinu að komast í Meistaradeildina.

12. Kobbie Mainoo (21 árs), England (Manchester United) - Hluti af öflugu miðjumannaúrvali enska landsliðsins. Náði aftur fyrri hæðum hjá United eftir að Michael Carrick tók við.

11. Nico O'Reilly (21 árs), England (Manchester City) - Valinn besti ungi leikmaður tímabilsins í ensku úrvalsdeildinni. Fjölhæfur og klókur leikmaður sem vinnur svo vel með boltann á þröngum svæðum.

10. Yan Diomande (19 ára), Fílabeinsströndin (RB Leipzig) - Kantmaður með 12 mörk og 10 stoðsendingar á tímabilinu í þýsku Bundesligunni. Ekki furða að Liverpool vilji galopna veskið fyrir hann.

9. Lennart Karl (18 ára), Þýskaland (Bayern München) - Kemur með öðruvísi valkosti af bekknum. Með mikinn sprengikraft og hefur sýnt í þýsku deildinni og Meistaradeildinni hvers megnugur hann er.

8. Warren Zaire-Emery (20 ára), Frakkland (PSG) - Tvítugur á HM með 182 mótsleiki fyrir PSG undir beltinu og risastóra titla. Agaður og traustur miðjumaður.

7. Kenan Yildiz (21 árs), Tyrkland (Juventus) - Kemur með mikla sóknarógn og er hörkuöflugur skotmaður af nýrri og spennandi kynslóð tyrkneska liðsins.

6. Desire Doue (21 árs), Frakkland (PSG) - Skoraði tvö gegn Inter í úrslitaleik Meistaradeildarinnar í fyrra og fylgdi því eftir með frábæru tímabili. Getur spilað allar sóknarstöðurnar.

5. Nico Paz (21 árs), Argentína (Como) - Örvfættur með mikinn sköpunarmátt. Vill vinna fyrir aftan fremsta mann og opna upp svæði. Líður vel með boltann og er hrikalega góður skotmaður. Geggjaður hjjá Como og gæti snúið aftur í Real Madrid.

4. Pau Cubarsí (19 ára), Spánn (Barcelona) - Frábær varnarmaður sem hefur þegar 100 leiki undir beltinu. Geggjaður sendingamaður sem smellpassar í spænska liðið.

3. Joao Neves (21 árs), Portúgal (PSG) - Kvikur, vinnusamur miðjumaður með mikinn leikskilning. Getur bæði spilað varnahlutverk á miðjunni og einnig sem 'átta'.

2. Arda Guler (21 árs), Tyrkland (Real Madrid) - Með feikilega tækni og knattmeðferð, góður skotmaður. Verður væntanlega í 'tíu'-hlutverkinu hjá Tyrklandi. Leikmaður sem getur breytt leiknum á augabragði.

1. Lamine Yamal (18 ára), Spánn (Barcelona) - Burtséð frá aldrinum þá er hann þegar einn besti leikmaður heims. Framúrskarandi, með mikinn leikskilning og rosalega tæknilega getu. Illviðráðanlegur enda með fjölmörg vopn í vopnabúrinu.