ÍBV mætti Víkingi frá Ólafsvík í öðrum leik þriðju umferðar Lengjudeildarinnar í kvöld. Víkingar voru með þrjú stig eftir fyrstu tvær umferðirnar á meðan ÍBV var með fullt hús stiga.
Staðan var markalaus í leikhléi. Í fyrri hálfleik léku gestirnir frá Ólafsvík gegn talsverðum vindi. Á fjórðu mínútu seinni hálfleiks kom fyrsta mark leiksins.
„Eyjamenn skora fyrsta mark þessa leiks, eftir snögga skiptingu er Guðjón kominn einn inn á teig Víkings, hann rennir boltanum yfir á Gary Martin sem leggur boltann framhjá Brynjari," skrifaði Víðir Gunnarsson í beinni textalýsingu frá leiknum. 1-0 fyrir ÍBV og Gary Martin kominn á blað.
Gary var aftur á ferðinni á 83. mínútu og skoraði hann þá annað mark leiksins eftir undirbúning Telmo Casthanheira, 2-0.
83 min.
— Víkingur Ólafsvík (@Vikingurol) July 3, 2020
ÍBV skorar hálfgert heppnismark gegn gangi leiksins, 2-0
Fleiri urðu mörkin ekki heimamenn áfram með fullt hús stiga. Nú eru í gangi þrír leikir í Lengjudeildinni og má fylgjast með beinni textalýsingu á forsíðu Fótbolta.net.
Athugasemdir