Sasha Attwood, kærasta Jack Grealish, segist hafa fengið 200 dauðahótanir á dag, á meðan kærasti hennar spilaði með enska landsliðinu á EM.
Attwood fékk ljót skilaboð í gegnum samfélagsmiðlana Instagram og TikTok.
„Þau sögðu við mig: 'Ég vona að þú fáir krabbamein' og 'ég vona að fjölskylda þín drepist öll'," sagði Attwood að því er kemur fram á The Sun.
Grealish er orðinn eitt stærsta nafnið í fótboltaheiminum eftir að hafa slegið í gegn með Aston Villa á síðustu leiktíð, og með enska liðinu á Evrópumótinu.
„Mér finnst það ótrúlegt hversu grimmt fólk getur verið án þess að það sé nokkur ástæða fyrir því," segir Attwood, sem er 25 ára gömul.
Athugasemdir