ÍBV 2 - 1 Njarðvík
0-1 Kaj Leo Í Bartalstovu ('24 )
1-1 Oliver Heiðarsson ('79 )
2-1 Oliver Heiðarsson ('93 )
Lestu um leikinn
ÍBV fékk Njarðvík í heimsókn í Þjóðhátíðarleiknum í ár en liðin voru jöfn að stigum í 2. og 3. sæti Lengjudeildarinnar fyrir leikinn.
Kaj Leo í Bartalstovu sá til þess að gestirnir voru með forystuna í hálfleik þegar laglegt skot hans rétt fyirir utan vítateiginn söng í netinu.
Eyjamenn fengu tækifæri til að jafna metin fyrir lok fyrri hálfleiks en tókst ekki að skora.
ÍBV vildi fá vítaspyrnu þegar Tómas Bent féll í teignum en ekkert dæmt. Stuttu síðar náðu Eyjamenn að jafna en það gerði Oliver Heiðarsson þegar hann skallaði boltann í netið eftir hornspyrnu frá Vicente Valor.
Oliver tryggði síðan Eyjamönnum stigin þrjú þegar hann fékk boltann eftir slæm mistök frá Aroni Snæ Friðrikssyni í marki Njarðvíkur en hann rann þegar hann sparkaði í boltann. Boltinn fór beint á Oliver sem skaut frá miðju í stöngina og inn.
