Besta deildin: Ótrúlegur viðsnúningur á Hlíðarenda

Valur fékk Stjörnuna í heimsókn í Bestu deildinni í dag. Stjörnumenn voru nálægt því að komast yfir snemma leiks en Emil Atlason vippaði boltanum framhjá markinu.

Stjörnumenn byrjuðu leikinn mun betur og náðu verðskuldaðri forystu eftir stundafjórðung. Hólmar Örn Eyjólfsson náði boltanum af Guðmundi Baldvin Nökkvasyni en boltinn barst til Benedikts Warén sem skoraði með skoti úr vítateignum.

Valsmenn jöfnuðu metin stuttu síðar þegar Jónatan Ingi Jónsson skoraði með snyrtilegri vippu yfir Árna Snæ Ólafsson í marki Stjörnunnar. Þetta var fyrsta mark hans í sumar.

Benedikt var nálægt því að koma Stjörnunni aftur yfir eftir klukkutíma leik en átti skot í stöngina.

Myles Veldman kom inn á sem varamaður þegar stundafjórðungur var til loka venjulegs leiktíma. Stuttu síðar átti hann skot vel fyrir utan teginn og boltinn fór í stöngina og inn.

Stjörnumenn gáfust ekki upp og þeim tókst að jafna metin undir lokin þegar Markus Nakkim varð fyrir því óláni að skalla boltann í eigið net.

Það var svakaleg dramatík í lokin. Benedikt Warén kom með fastann bolta inn á teiginn og Örvar Eggertsson kom boltanum í netið og tryggði Stjörnunni dramatískan sigur.

Stjarnan er í 8. sæti með 18 stig en Valur er í 5. sæti með 19 stig.