Biblían hjálpaði Enzo að velja Man City

Hann var algjör lykilmaður hjá Chelsea en krafðist þess að vera seldur þegar Man City bankaði á dyrnar. Margir stuðningsmenn Chelsea eru ósáttir við Fernández, sem segir að biblían hafi hjálpað sér að taka ákvörðun um félagaskiptin.

Talan sautján hefur eitthvað með það að gera. Enzo valdi treyjunúmerið 17 hjá Man City eftir að hafa klæðst treyju númer 8 hjá Chelsea og 24 með Argentínu.

„Ég hef mikla trú á GuðI og les biblíuna. Ég var að lesa biblíuna þegar umræður um félagaskiptin voru í gangi og versið sem ég var að lesa kom við hjartað í mér. Þetta snerti mig verulega og sannfærði mig um að félagaskipti væru það rétta í stöðunni," sagði Fernández þegar hann var spurður út í treyjunúmerið.

„Satt að segja þá líður mér strax eins og ég sé kominn heim til mín hérna hjá Man City. Það er mjög mikilvægt fyrir sjálfstraustið. Mig langar að gefa 100% af sjálfum mér á hverjum einasta degi, á hverri einustu æfingu og í hverjum einasta leik til að hjálpa félaginu að ná öllum sínum markmiðum."