Sjáðu sigurmörk Sævars Atla og Hákonar í Evrópudeildinni

Tvö íslensk sigurmörk voru í Evrópudeildinni í gær og er hægt að sjá þau hér að neðan.

Sævar Atli Magnússon var hetja Brann í sigri gegn Utrecht. Hann skoraði eina mark leiksins undir lok fyrri hálfleiks með skoti úr teignum.

Hákon Arnar Haraldsson var í byrjunarliði Lille gegn Roma í ótrúlegum leik. Eftir sex mínútna leik vann Lille boltann við vítateig Roma og Hákon tók hlaupið inn á teiginn, hann fékk boltann og skoraði með skoti á nærstöngina.