Inter er komið aftur á toppinn í Seríu A eftir að hafa unnið öruggan 3-0 sigur á Napoli í kvöld.

Leikurinn var nokkuð jafn stærstan hluta fyrri hálfleiksins eða alveg fram að fyrsta marki Inter sem Hakan Calhanoglu gerði upp úr engu, en hann þrumaði boltanum af rúmlega tuttugu metra færi í bláhornið.

Mótlæti Napoli hvarf svona að mestu eftir það. Þó liðið hafi vissulega fengið sín færi í leiknum þá reyndi ekkert rosalega mikið á Yann Sommer. Hann varði eitt öflugt skot frá Kvicha Kvaratskhelia í upphafi síðari hálfleiksins áður en Inter gekk frá leiknum.

Nicolo Barella og Marcus Thuram gerðu út um leikinn með tveimur mörkum í þeim síðari. Barella skoraði eftir fyrirgjöf Lautaro Martínez áður en Thuram gerði þriðja markið eftir sendingu Juan Cuadrado.

Inter kemur sér aftur á toppinn með 35 stig en Napoli í 5. sæti með aðeins 24 stig. Inter er taplaust í síðustu átta deildarleikjum og ætla greinilega að gera sig líklega til að taka titilinn í ár.