Einn á spítala eftir að gestastúkan í Tromsö gaf sig

Úrslitin komu ekki á óvart í Tromsö en það var annað atvik sem litaði leikinn, þegar lítill hluti af gestastúkunni gaf sig.

Kátir stuðningsmenn Glimt hoppuðu og trölluðu þegar kom gat á gestastúkuna undir lok fyrri hálfleiks og féllu 'allt að fimm manns' í gegnum holuna sem myndaðist.

Einn af þeim sem datt hlaut áverka og þurfti að fara á spítala en hann er ekki í lífshættulegu ástandi.

Það var mikil rigning meðan á leiknum stóð og voru stuðningsmenn gestaliðsins færðir á annan hluta leikvangsins í kjölfarið af atvikinu.

Þess má geta að heimavöllur Tromsö er nyrsti leikvangur í efstu deild norska boltans.