Rogers sagður hafa lekið upplýsingum með liðsvalinu í Fantasy

Joao Pedro var ekki með þegar Chelsea tapaði óvænt á heimavelli gegn Tottenham í seinni hluta október, vegna meiðsla sem félagið hafði ekki tilkynnt opinberlega.

Glöggir Fantasy spilarar tóku eftir því fyrir leikinn að Morgan Rogers, leikmaður Chelsea, og fleiri frá félaginu höfðu selt Joao Pedro úr liðum sínum fyrir þennan mikilvæga nágrannaslag á Stamford Bridge.

„Ég er ekkert inni í þessu máli og veit ekkert um þennan Fantasy leik," sagði Xabi Alonso þjálfari þegar BBC spurði hann út í málið.

Þetta er ekki fyrsta lekavandamálið hjá Chelsea á árinu eftir að byrjunarliði Liam Rosenior var lekið til fjölmiðla fyrir mikilvæga leiki gegn Paris Saint-Germain í útsláttarkeppni Meistaradeildarinnar. PSG sigraði einvígið 8-2 samanlagt og vann að lokum keppnina eftir úrslitaleik gegn Arsenal.

Á síðustu leiktíð gerðist Marc Cucurella sekur um að leka mikilvægum upplýsingum úr herbúðum Chelsea til rakarans síns.

Chelsea er ekki eina félagið sem hefur óvart lekið upplýsingum í gegnum liðsval starfsmanna sinna í Fantasy, þar sem svipuð dæmi hafa komið upp hjá Arsenal, Liverpool, Aston Villa, Leicester og Newcastle meðal annars.

Það eru rúmlega 11 milljón aðgangar sem taka þátt í draumaliðsleiknum í ár.