Mótmæli stuðningsmanna Man Utd eru græn og gulllituð

Stuðningsmenn klæðast grænum og gulllituðum treflum, treyjum og höttum og mæta með blöðrur í sömu litum.

Sex stuðningsmannahópar félagsins hvöttu meðlimi sína til að klæðast grænu og gulllituðu á heimaleiknum gegn Aston Villa um nýliðna helgi, sem lauk með dramatísku 4-4 jafntefli eftir mikla rússíbanareið.

Rauðu djöflarnir lentu tvisvar sinnum tveimur mörkum undir í leiknum og var hluti áhorfenda búinn að yfirgefa leikvanginn áður en lærlingum Michael Carrick tókst að bjarga stigi með tveimur mörkum í uppbótartíma.

Litirnir grænu og gulllituðu vísa til upphafs Manchester United sem fótboltafélags, en það var stofnað árið 1878 undir nafninu Newton Heath LYR sem var breytt í Manchester United árið 1902.

Litir Newton Heath voru lengst af rauður og hvítur, en félagið lék í grænum og gulllituðum treyjum í um þrjú ár frá 1893 til 1896.