Kári Sigfússon er leikmaður umferðarinnar.
Dagur Ingi Hammer er með þrjú mörk í tveimur leikjum.
2. umferð Lengjudeildarinnar lauk í kvöld þegar Fylkir vann 2-0 sigur gegn Vestra í Árbænum. Fylkismenn eru með fullt hús eftir fyrstu tvær umferðarinar.
LEIKMAÐUR UMFERÐARINNAR
Kári Sigfússon - Fylkir
Átti frábæra stoðsendingu í fyrra marki Fylkis og skoraði svo virkilega gott mark. Kári með þrjár stoðsendingar gegn Ægi í fyrstu umferð svo ekki er annað hægt að segja en að hann láti heldur betur að sér kveða í upphafi móts.
LEIKMAÐUR UMFERÐARINNAR
Kári Sigfússon - Fylkir
Átti frábæra stoðsendingu í fyrra marki Fylkis og skoraði svo virkilega gott mark. Kári með þrjár stoðsendingar gegn Ægi í fyrstu umferð svo ekki er annað hægt að segja en að hann láti heldur betur að sér kveða í upphafi móts.
Benedikt Daríus Garðarsson skoraði fyrra mark Fylkis gegn Vestra og er einnig í liði umferðarinnar. Þá er Heimir Guðjónsson þjálfari umferðarinnar.
Þróttur og HK hafa líka byrjað mótið á tveimur sigrum. Sigurður Egill Lárusson átti tvær stoðsendingar í 3-1 sigri Þróttar gegn ÍR. Aron Snær Ingason fiskaði rautt spjald á ÍR í leiknum. Þorsteinn Aron Antonsson skoraði og var maður leiksins í 2-1 sigri HK gegn Ægi.
Dagur Ingi Hammer Gunnarsson skoraði bæði mörk Leiknis í 2-1 útisigri gegn Gróttu og er kominn með þrjú mörk í fyrstu tveimur umferðunum. Daði Bærings Halldórsson fyrirliði Leiknis var öflugur á Nesinu.
Modoumatarr Mbye miðjumaður Völsungs var valinn maður leiksins í 0-0 jafntefli gegn Aftureldingu í Mosfellsbæ.
Markalaust jafntefli varð einnig niðurstaðan í grannaslag Grindavíkur og Njarðvíkur. Varnarmennirnir Damir Muminovic og Eiður Aron Sigurbjörnsson voru öryggir og Guy Smit markvörður Njarðvíkur átti góðar vörslur og kom í veg fyrir að Grindavík myndi skora í seinni hálfleiknum.
Fyrri úrvalslið:
1. umferð - Stefán Þór Pálsson - ÍR
Lengjudeild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Þróttur R. | 3 | 3 | 0 | 0 | 8 - 1 | +7 | 9 |
| 2. HK | 3 | 2 | 0 | 1 | 9 - 6 | +3 | 6 |
| 3. Fylkir | 3 | 2 | 0 | 1 | 5 - 2 | +3 | 6 |
| 4. ÍR | 3 | 1 | 1 | 1 | 10 - 9 | +1 | 4 |
| 5. Afturelding | 3 | 1 | 1 | 1 | 7 - 7 | 0 | 4 |
| 6. Njarðvík | 3 | 1 | 1 | 1 | 2 - 2 | 0 | 4 |
| 7. Vestri | 3 | 1 | 1 | 1 | 5 - 6 | -1 | 4 |
| 8. Leiknir R. | 3 | 1 | 1 | 1 | 3 - 5 | -2 | 4 |
| 9. Grindavík | 3 | 0 | 3 | 0 | 3 - 3 | 0 | 3 |
| 10. Grótta | 3 | 1 | 0 | 2 | 3 - 6 | -3 | 3 |
| 11. Völsungur | 3 | 0 | 2 | 1 | 1 - 4 | -3 | 2 |
| 12. Ægir | 3 | 0 | 0 | 3 | 1 - 6 | -5 | 0 |
