Norðmenn mættir með sína útgáfu af Víkingaklappinu

Norska landsliðið er komið til Bandaríkjanna en liðið flaug þangað með Loftleiðum Icelandic, dótturfélagi Icelandair Group. Gríðarleg spenna er í Noregi fyrir mótinu enda risastjörnur á borð við Martin Ödegaard og Erling Haaland í liði þeirra.

Noregur er í I-riðli á mótinu ásamt Frakklandi, Senegal og Írak.

Noregur sigraði Svíþjóð í vináttulandsleik í vikunni 3-1. Jörgen Strand Larsen skoraði tvö mörk en það voru stuðningsmenn Noregs sem vöktu mesta athygli.

Þeir eru komnir með sína útgáfu af Víkingaklappinu sem íslensku stuðningsmennirnir gerðu frægt á EM 2016 og HM 2018. Í norsku útgáfunni þykjast stuðningsmennirnir vera að róa skipi.