Dom Furness: Það voru sögð hvöss orð í hálfleik

''Mér líður mjög vel. Þetta var mjög erfiður leikur og KFA eru með mjög gott lið og valda öllum liðum usla hvort sem það sé í bikar eða deild.''

„Við litum á þetta í hálfleik og það voru sögð hvöss orð því mér fannst við hefðum getað verið 3-4 mörkum yfir í fyrri. Leikmennirnir tóku því vel til sín og náðu svo að sigla þessu heim.''

Heimamenn voru mjög óheppnir með tréverkið í kvöld, en þeir skutu þrisvar sinnum í stöngina og einu sinni í þverslánna.

„Það jákvæða er að við erum að við mætum á rétta staði en það neikvæða er að þetta eru færi sem við eigum að klára.''

Var þetta svipaður leikur og þann sem þið spiluðu gegn þeim fyrr í sumar?

Munurinn var að það var enginn vindur í þessum leik eins og fyrir austan. Þeir voru mikið meira með boltann í þeim leik því heimaleikir eru alltaf erfiðir fyrir útiliðin. Ég held að Sten Reinkort gerði mikinn gæfumun fyrir okkur svo það var einn munur á leiknum.''

Að lokum var spurt Dom hvort hann hefði einhvern draumaandstæðing í undanúrslitunum og svarið var einfalt.

„Eins og ég sagði við þig seinast, þá vil ég bara heimaleik.''

Næsti leikur Kormáks/Hvatar verður gegn Þrótti Vogum á Blönduósvelli næstkomandi laugardag, 8. ágúst.