Ítalía: Mikael spilaði í tapi gegn lærisveinum Fabregas

Mikael Egill Ellertsson spilaði allan leikinn þegar Genoa tapaði gegn Como í ítölsku deildinni í kvöld.

Milutin Osmajic kom Genoa yfir í sínum fyrsta byrjunarliðsleik en hann gekk til liðs við félagið frá Preston í sumar. Martin Baturina jafnaði metin með góðu skoti fyrir utan teiginn.

Assane Diao kom Como síðan yfir með skoti úr teignum eftir að Genoa tókst ekki að koma boltanum frá. Nico Paz bætti síðan þriðja markinu við þegar hann fékk sendingu inn fyrir vörn Genoa.

Það var síðan Diao sem innsiglaði sigur Como með öðru marki sínu og fjórða marki Como. Como er á toppnum með sjö stig eftir þrjár umferðir en Genoa er á botninum án stiga.