KR tapaði 5-0 á móti Þrótti í Pepsi Max deild kvenna.
„Já, það er ekki hægt að segja annað. Þetta eru mjög svekkjandi úrslit og mér finnst 5-0 kanski ekki segja alla söguna um leikinn.“ sagði Ingunn Haraldsdóttir, fyrirliði KR, eftir 5-0 tap á móti Þrótti í Pepsi Max deild kvenna í dag.
„Þær nýta sín tækifæri mjög vel. Við sofnuðum á verðinum, fáum á okkur mörk úr tveimur föstum leikatriðum og síðan víti. Þannig að þær nýttu sín tækifæri í dag og ekki við. Við hefðum nú alveg með smá heppni og aðeins meiri áræðni kanski getað sett inn nokkur, en það datt ekki inn í dag.“
„Við ákváðum að stíga aðeins hærra upp og settum meiri pressu á þær sem virkaði mjög vel, eins og sást í seinni hálfleik og bæta aðeins einbeitinguna í föstum leikatriðum.“
„Það eru alveg tólf stig eftir í pottinum fyrir okkur. Við eigum eftir að spila slatta af leikjum þannig það segir ekki alla söguna. Stemningin er mjög góð og við horfum bara á það að það eru tólf stig eftir og við getum klifrað upp töfluna.“
Viðtalið í heild sinni má nálgast í spilaranum hér að ofan.
Athugasemdir