Crooks um Thiago: Hefur gert skokk að listformi

Crooks var að velja lið síðustu umferðar og setti Roberto Firmino, sem skoraði tvennu, í fremstu víglínu.

„Stuðningsmenn Liverpool segja alltaf við mig að Thiago Alcantara (þegar hann er ekki meiddur) sé þeirra aðalmaður," sagði Crooks í lýsingunni á Firmino.

„Hann gæti kannski alveg verið það ef hann gæti hlaupið eitthvað. Spánverjinn hefur gert skokk að listformi. Hann getur ekki hlaupið upp völlinn og hefur ekki sömu hæfileika og Firmino þegar það kemur að því að klára færi.

„Thiago á vissulega sínar stundir en ef við ætlum að bera saman framlagið til liðsins þá er Firmino í öðrum gæðaflokki."