3. deild: Dýrmætur sigur KH og Ýmir upp úr fallsæti

Tveir leikir fóru fram í næst síðustu umferðinni í 3. deild í gær.

KH vann öruggan sigur á Augnabliki þar sem Eggert Örnuson Dagsson og Sigfús Kjalar Árnason skoruðu tvö mörk hvor og Haukur Ásberg Hilmarsson skoraði eitt í 5-0 sigri.

KH er í 2. sæti með 41 stig, stigi á eftir Víði og stigi á undan Tindastóli sem eiga leik til góða. Augnablik er í 8. sæti með 24 stig.

Þá vann Ýmir sterkan sigur á Reyni Sandgerði. Ýmir stökk upp úr fallsæti og situr í 10. sætimeeð 23 stig en Reynir missti af mikilvægum stigum í toppbaráttuni. Liðið er í 4. sæti með 39 stig.