Hector Bellerin, hægri bakvörður Arsenal, var í viðtali við Amazon eftir 1-2 tap Arsenal gegn Brighton á heimavelli.

„Ég veit ekki hvað ég á að segja. Ég hef þá tilfinningu að sama hvað ég hef að segja þá mun ég ekki koma því rétt frá mér," sagði Bellerin eftir leikinn í kvöld.

„Við gerðum okkar besta, sköpuðum færi, vörðumst vel en við virðumst þurfa mjög mörg færi til að skora á meðan lið skora úr öllum færum gegn okkur. Ég er orðlaus."

„Allir leikmenn gáfu 100% í leikinn. Við förum út á völl og viljum vinna og gera okkur besta. Mér fannst við gefa mikið í leikinn og það er erfitt að taka þssu. Við verðum að halda áfram, ég er 100% á því að úrsitin munu falla með okkur."

„Fótbolti er stundum eins og lífið, þú ferð í gegnum góða og slæma tíma. Ég hef unnið bikara hér, átt góð tímabil og slæm tímabil."

„Freddie hefur hjálpaði liðinu mikið í vikunni. Hann hefur komið með mikla orku í búningsklefann," sagði Bellerin um stjóra sinn, Freddie Ljungberg, að lokum.

Tweet

Senda a Facebook Hafdu samband Senda frétt Prenta frétt Frétta leit