Þórhallur Dan var sáttur með stigið.
„Þetta var barátta og tvö mjög góð lið. Það er alltaf erfitt að sækja stig hingað þannig að við förum tiltölulega sáttir héðan," sagði Þórhallur Dan Jóhannsson, þjálfari Gróttu, eftir 2-2 jafntefli gegn Leikni F. í Inkasso-deildinni í dag.
Undir lok leiks fóru tvö rauð spjöld á loft, Hilmar Freyr Bjartþórsson, leikmaður Leiknis, fékk rautt og í kjölfarið ákvað dómarinn að gefa manni í þjálfarateymi Gróttu rauða spjaldið.
Undir lok leiks fóru tvö rauð spjöld á loft, Hilmar Freyr Bjartþórsson, leikmaður Leiknis, fékk rautt og í kjölfarið ákvað dómarinn að gefa manni í þjálfarateymi Gróttu rauða spjaldið.
Lestu um leikinn: Leiknir F. 2 - 2 Grótta
„Mér fannst leikmaður Leiknis slá einn leikmann okkar, þetta er svona móment, læti og það er ástríða í þessu," sagði Þórhallur um atvikið, en Gróttu er af mörgum spáð falli.
„Okkar stefna er náttúrulega að mæta í hvern leik og þetta var mikilvægasti leikurinn á tímabilinu sem við spiluðum í dag og næsti leikur verður mikilvægasti leikurinn á tímabilinu."
„Við ætlum að reyna að stríða eins mörgum og við getum og sjá síðan hvað gerist 23. september."
Viðtalið má sjá í heild sinni í spilaranum hér að ofan.
Athugasemdir
