Harley Willard, nýr leikmaður Þórs, kætti stuðningsmenn í Þorpinu með sigurmarki gegn Kórdrengjum í fyrstu umferð Lengjudeilar karla í kvöld.
Þetta var hörkuleikur eins og búast mátti við og var ekki mikið um opin marktækifæri.
Það var ekki fyrr en á 88. mínútu er ísinn var brotinn. „Glæsileg stungusending frá Jewook Woo á Willard sem skorar fram hjá Óskari," skrifaði Jóhann Þór Hólmgrímsson í beinni textalýsingu úr Boganum.
Tveir nýir leikmenn Þórs - Willard og Woo - sem sáu um að búa til markið sem skildi liðin að á endanum.
Lokatölur 1-0 og gríðarlega sterkur sigur Þórs staðreynd gegn sterkum andstæðingi.
Athugasemdir