„Við ætluðum okkur að vinna þennan leik og við eigum að vinna leiki á heimavelli... en við töpum ekki og það er jákvætt," sagði Rúnar Alex Rúnarsson, markvörður Íslands, eftir 1-1 jafntefli gegn Albaníu.
Lestu um leikinn: Ísland 1 - 1 Albanía
„Þetta var leikur tveggja hálfleika. Við vorum kraftlausir í fyrri hálfleik, en við lögum það í seinni hálfleik."
„Það er gott að við náum að jafna svona fljótt, en það hefði verið skemmtilegt að ná inn sigurmarki. Jafntefli er samt betra en að tapa," sagði markvörðurinn.
Það var talað um það að Rúnar hefði átt að gera betur í markinu Albaníu.
„Það mega allir hafa skoðun á því. Ég er ekki búinn að sjá markið aftur. Þetta er af stuttu færi og ég vil bara verja fyrsta skotið. Hvort að ég get slegið hann lengra í burtu eða staðið og sparkað honum í burtu, ég hef ekki séð þetta aftur. Mín hugsun var bara að verja skotið... ég ætlaði bara að reyna að koma boltanum frá. Við sem lið þurfum líka að gera betur, þeir komast alltof auðveldlega inn í teiginn og í opið skot."
Hægt er að sjá allt viðtalið hér að ofan.
Athugasemdir