Skráningarfrestur fyrir Íslandsmótið í Futsal

Íslandsmótið fer fram með sama fyrirkomulagi og undanfarin ár þar sem forkeppnin verður leikin með hraðmótsfyrirkomulagi en úrslitakeppnin með fullum leiktíma.

Forkeppnin verður helst leikin á heimavöllum félaganna en úrslitaleikir fara fram í Virkinu, íþróttahúsi Víkings í Safamýri.

Forkeppnin verður leikin frá 14. nóvember til 21. desember og verður úrslitakeppnin svo haldin frá 8. til 10. janúar.

KSÍ skipar dómara á alla leiki keppninnar og eru allir leikmenn hlutgengir samkvæmt reglugerð KSÍ um félagaskipti leikmanna, þar sem leikmönnum er aðeins heimilt að leika með einu félagi í Íslandsmótinu í Futsal á hverju tímabili.

Leikmenn sem fá útgefið keppnisleyfi við upphaf félagaskiptagluggans í febrúar á næsta ári eru hlutgengir í úrslitakeppni Íslandsmótsins í Futsal.

Þátttökugjald vegna mótsins er 50.000 kr. og fær sigurvegarinn þátttökurétt í forkeppni fyrir Evrópukeppni félagsliða í Futsal.

Nánari upplýsingar veitir Guðni Þór Einarsson hjá KSÍ - [email protected].