banner
   þri 06. júní 2023 11:30
Guðmundur Aðalsteinn Ásgeirsson
Sjáðu mörkin - Gísli Eyjólfs með magnaðan undirbúning
Gísli Eyjólfsson.
Gísli Eyjólfsson.
Mynd: Fótbolti.net - Hafliði Breiðfjörð
Gísli Eyjólfsson var með stórkostlegan undirbúning að þriðja marki Breiðabliks í 3-1 sigrinum gegn FH í Mjólkurbikarnum í gærkvöldi.

Hann lagði upp markið fyrir færeyska sóknarmanninn Klæmint Olsen, sem átti einnig öfluga innkomu af bekknum í leiknum.

„Gísli lék sér að varnarmönnum FH, renndi svo boltanum á Klæmint sem skoraði. Frábærlega gert hjá Gísla," skrifaði Elvar Geir Magnússon í beinni textalýsingu í gær.

Breiðablik skoraði tvisvar í uppbótartímanum og vann að lokum 3-1. Klæmint skoraði tvisvar og Davíð Ingvarsson var einnig á skotskónum. Fyrir FH skoraði Úlfur Ágúst Björnsson í fyrri hálfleiknum.

Breiðablik er komið í undanúrslit og það eru Víkingar einnig. Í kvöld ræðst það hvaða lið fara einnig áfram á það stig.

þriðjudagur 6. júní

Mjólkurbikar karla
17:30 KA-Grindavík (Greifavöllurinn)
20:00 KR-Stjarnan (Meistaravellir)

Hér fyrir neðan má sjá þriðja mark Blika og önnur mörk úr leiknum en leikurinn var sýndur í beinni á RÚV.





Athugasemdir
banner
banner
banner