Viðar Örn Kjartansson, leikmaður Selfoss
Viðar Örn Kjartansson var á skotskónum í dag þegar Selfoss fór í heimsókn til Fjölnis og sigruðu 2-3.
Lestu um leikinn: Fjölnir 2 - 3 Selfoss
„Mér líður vel með þennan sigur, það var hætta í lokin en fyrstu 65-70 mínútur voru að mínu mati þær bestu sem Selfoss hefur sýnt á þessu tímabili.''
Viðar Örn skoraði annað mark Selfyssinga í dag og er nú kominn með fjögur mörk í fjórum leikjum. Var hann spurður hvort hann myndi reyna við markamet deildarinnar.
„Ég veit nú ekki hvað markametið er hátt en ég reyni bara að skora í hverjum einasta leik. Mér líður mjög vel og er heill núna.''
„Það er frábært að spila með þessum strákum og mér finnst hópurinn koma vel saman. Strákarnir eru mjög efnilegir og ef við spilum eins og í dag út sumarið þá hef ég engar áhyggjur af liðinu.''
