Davíð Örvar: Hann skorar bara fyrir utan teig

„Við erum mjög ánægðir með að hafa unnið leikinn fyrst og fremst. Það var markimiðið en við gerðum þetta óþarflega spennandi eins og flest alla leiki sem við vinnum.“

Heimamenn í ÍR höfðu frumkvæðið í leiknum en fengu þó á sig tvö mörk og héldu spennu í leiknum. Nokkuð sem þjálfarateymið er ósátt með eða hvað?

„Þetta voru fín mörk hjá þeim og markið hjá Williard frábært skot en við hefðum kannski getað blokkað eða allavega farið aðeins nær honum en seinna markið gerði hann ágætlega en maður er alltaf fúll að fá á sig mark.“

Emil Nói Sigurhjartarson skoraði glæsilegt mark fyrir heimamenn í leiknum en hann ku vera ítið fyrir annað en að skora falleg mörk.

„Hann er frábær skotmaður en við eigum ekki að gefa á hann ef hann er í færi inn í teig. Hann skorar bara fyrir utan teig en er reyndar búinn að skora úr tveimur vítum. Hann er að koma sterkur inn núna, skoraði á móti Fylki og skoraði aftur í kvöld og það er bara það sem hann á að gera. “

Sagði Davíð Örvar en allt viðtalið við hann má sjá hér að ofan.