Nenad: Líkt og leikmenn bæru einhvern ótta

„Leikurinn sem slíkur var ekki alslæmur en við vorum í basli við að ráða við pressu þeirra og að vinna þessa 50-50 bolta sem við vorum ekki að vinna. Að sama skapi voru færslurnar okkar ekki þær bestu sem hefur verið svolítið saga okkar til þessa í sumar en þrátt fyrir það tekst okkur að skora tvö mörk hér í kvöld. “

Lið Ægis var þó sérstaklega í basli í fyrri hálfleik leiksins. Nokkuð sem þjálfarinn hefur verið óánægður með.

„Leikmenn mínir hófu leikinn stífir, líkt og þeir bæru einhvern ótta með sér sem ég get ekki skilið eða útskýrt. Fótbolti er bara leikur og ég bið bara um að menn geri sitt besta en við vorum eflaust of passívir í okkar nálgun,“

Lið Ægis beit þó í skjaldarrendur í síðari hálfleik og sýndi mun betri leik, Nokkuð sem Nenand hefur glaðst yfir eða hvað?

„Ég er ekkert heillaður, auðvitað er það jákvætt viðhorf þeirra en þegar leikir tapast skiptir það engu.“