Fyrirliðar

Aron Elí Sævarsson, fyrirliði Aftureldingar

1. Hvaða lið vinnur deildina?
Njarðvík vinnur á markatölu í síðustu umferð er Þór og Þróttur gera jafntefli. Öll enda með 43 stig.

2. Hvaða lið missir af umspilssætinu?
HK missir af umspilssætinu því miður eftir góðan endasprett Keflvíkinga þar sem þeir meðal annars vinna Njarðvík í kvöld í suðurnesjaslagnum.

3. Hvaða tvö lið falla?
Fjölnir og Grindavík falla því miður enda ekki verið mikil stemning þar upp á síðkastið og Kári Steinn er að mæta fyrir Leiknismenn á hárréttum tímapunkti

Björn Daníel Sverrisson, fyrirliði FH

1. Hvaða lið vinnur deildina?
Þróttarar vinna deildina, þar er Sigurvin Ólafs að þjálfa og er hann með sigur í nafninu þá getur fátt komið í veg fyrir sigur. Þeir eru einnig með Þórhall Ísak í markinu sem æfði með okkur FH-ingum fyrir stuttu og er topp markmaður sem er bæði góður að verja og lærði að nota fæturnar í skiptinámi í Brazilía.

2. Hvaða lið missir af umspilssætinu?
Fjölnismenn missa af umspilinu þar sem þeir eru neðstir og geta tölfræðilega ekki náð umspilinu hinsvegar munu Keflvíkingar tapa gegn Njarðvík á laugardaginn, þeir ráða sjaldnast við fullar stúkur, réðu ekki við hana um árið þegar Hjálmar skoraði sigur markið sem tryggði okkur FH-ingum titilill í Árbæ og það verður full stúka á ljósanótt. Ef Arnar Helgi byrjar skora þeir sennilega ekki mark.

3. Hvaða tvö lið falla?
Vonandi verður fjölgun í deildinni og allir fá að vera áfram að ári.

Guðmundur Kristjánsson, fyrirliði Stjörnunnar

1. Hvaða lið vinnur deildina?
Mig grunar að Njarðvíkingar eigi eftir að stela toppsætinu og koma sér þannig beint upp í Bestu deildina. Þeir hafa verið sterkir í allt sumar og ég hugsa að þeir nái að klára sína leiki og tryggja sig upp.

2. Hvaða lið missir af umspilssætinu?
Því miður held ég að Keflavík sitja eftir með sárt ennið og horfa á eftir þeim grænklæddu rísa upp úr Lengjunni.

3. Hvaða tvö lið falla?
Ég held að Fjölnismenn eigi eftir að haldast í botnsætinu deildarinnar þegar hún klárast og mín tilfinning er að Selfoss eigi eftir að fylgja þeim niður. Leiknisljónin og Grindvíkingar kunna vel á Lengjuna og halda sér uppi.

Oliver Ekroth, fyrirliði Víkings R.
1. Hvaða lið vinnur deildina?
Ég vona að Njarðvík vinni deildina því Davíð, Helgi og Ali (brokkolí) eru á láni frá okkur en ég mér sýnist að Þórsararnir líta best út.

2. Hvaða lið missir af umspilssætinu?
Ég held að Keflavík missi af úrslitakeppninni.

3. Hvaða tvö lið falla?
Það er erfitt að segja. Grindavík eiga tvo erfiða leiki eftir en tilfinningin er að Fjölnir falli líka af einhverri ástæðu.

Sigurjón Rúnarsson, fyrir hönd Fram

1. Hvaða lið vinnur deildina?
Njarðvík - Gunnar Heiðar er búinn að smíða alvöru vél þarna fyrir sunnan, þeir klára sína leiki þar sem Símon Logi thasaphong skorar late winner á móti sínum gömlu félögum og tryggir Njarðvík beint upp í deild þeirra bestu þar sem Þór vinnur Þrótt í Laugardalnum.

2. Hvaða lið missir af umspilssætinu?
Keflavík - eru búnir að vera yoyo lið í sumar og misstu af sínum séns á að koma sér í top 5 eftir slæmt tap í Breiðholti í síðustu umferð

3. Hvaða tvö lið falla?
Fjölnir og leiknir - Bæði lið munu tapa sínum leikjum í þessari umferð meðan Grindvíkingar harka sigur á heimavelli gegn Ír þar sem Viktor Guðberg setur hann í glænýjum vapor snemma leiks og Kristófer leví lokar búrinu í kjölfarið og tryggja veru sína í deildinni.
Þungt andrúmsloftið í Egilshöll í síðustu umferð þar sem Fjölnir og Leiknir mætast bæði fallin

Aron Sigurðarson, fyrirliði KR

1. Hvaða lið vinnur deildina?
þróttur fengu bara Hrafn Tómasson um mitt mót og hann tók yfir þessa deild og verið gjörsamlega unplayable og hann er ástæðan að þróttur spilar í þeirri bestu á næsta ári.

2. Hvaða lið missir af umspilssætinu?
ljósanótt og allt það en Keflavík nær ekki umspilssæti liðin fyrir ofan eru bara betri.

3. Hvaða tvö lið falla?
ég sá Gústa Gylfa og Gunna Gunna Már á saffran áðan og þeir eru að smíða saman endurkomu ársins. vinna bæði næstu leiki og svo taktíst jafntefli á móti hvor öðrum í lokaleik. Grindavík og Selfoss falla

Elmar Atli Garðarsson, fyrirliði Vestra

1. Hvaða lið vinnur deildina?
Þór og Þróttur vinna bæði sína leiki í næstu umferð og Njarðvík tapar í Keflavík. Þróttur spilar úrslitaleik við Þór í seinustu umferð og tryggja sér sigur í deildinni í seinustu umferðinni. Við fáum svo Njarðvík - Keflavík í úrslitaleiknum sem Njarðvík klárar.

2. Hvaða lið missir af umspilssætinu?
Held að Kaflavík klári sitt og skilji HK eftir í sjötta sætinu. HK á tvo mjög erfiða leiki eftir og taka því miður fyrir þá bara 1 stig úr þessum leikjum.

3. Hvaða tvö lið falla?
Fjölnir og Grindavík falla. Grindavík fær það í bakið að hafa rekið þjafarann sinn og tapar rest. Leiknir klárar Fjölni í seinasta leik og heldur sér uppi.

Ívar Örn Árnason, fyrirliði KA

1. Hvaða lið vinnur deildina?
Þróttur Reykjavík vinnur deildina.- eru með heitustu framherjana í deildinni og Venni er algjör stemningsmaður. Taka ósannfærandi sigur á HK en slátra Þórsurum og tryggja sér fyrsta sæti.

2. Hvaða lið missir af umspilssætinu?
Umspilið helst nákvæmlega eins og það stendur og allt fellur fyrir efstu liðunum. Því miður fyrir keflíkingana sem eru alltaf keflíkingar í keflavík.

3. Hvaða tvö lið falla?
Eins mikið og ég þoli ekki að dæma einn né neinn niður þá verður þetta Fjölnir og Grindavík. Nema Breki Hermannsson nái að setja þrennu í báðum leikjum hjá Grindavík.. þá er smá séns

Sérfræðingar

Mikael Nikulásson, sparkspekingur

1. Hvaða lið vinnur deildina?
Njarðvík eða Þór vinnur deildina og ætla ég að halda mig við Njarðvík eins og fyrir mót þegar ég einn manna hér á landi spáði þeim sigri í þessari deild. Tapið um síðustu helgi hjá mínum mönnum í Þór mun reynast þeim dýrkeypt því Njarðvík mun klára síðustu 2 leikina sína. Þróttur mun tapa einhverjum stigum í tveimur mjög erfiðum lokaleikjum þannig á endanum munu mínir gömlu lærisveinar í Njarðvík vinna þessa geggjuðu deild og fara í efstu deild í fyrsta skipti í sögu félagsins sem er ekkert nema virkilega góður árangur hjá þeim.

2. Hvaða lið missir af umspilssætinu?
Keflavík - Þarf ekkert mörg orð um það einfaldlega 6-7 besta liðið í þessari deild og hafa ollið miklum vonbrigðum í sumar.

3. Hvaða tvö lið falla?
Fjölnir og Grindavík - Geta 4 lið enn fallið en ég tel að enn einir gömlu felagar mínir í Selfoss hafi græjað sig með sigrinum glæsilega um síðustu helgi á moti Þór. Grindavík mun tapa báðum sínum leikjum sem eftir eru spái ég og verður því hreinn finall um sætið í deildinni milli Fjölnis og Leiknis um næstu helgi þar sem Leikni mun nægja jafntefli. Minn maður Gusti Púst græjar það at least og tryggir Leikni sætið í deildinni eftir algert hörmungarseason.

Þorkell Máni Pétursson, útvarpsmaður og sérfræðingur Sýn

1. Hvaða lið vinnur deildina?
Þetta verður eitthvað ótrúlegt bíó þessar loka umferðir þar sem hann Jói vinur minn og formaður stuðningsmannafélags Gais á Íslandi lokar mótinu á 98 mín í Breiðholti. Bomban missir sig algerlega í gleðinni og flytur i efra-Breiðholtið.

2. Hvaða lið missir af umspilssætinu?
Heilinn segir að Kef missi af playoffs en hjartað segir að þeir slefi inn og vinni á Laugardalsvellinum.

3. Hvaða tvö lið falla?
Það fellur enginn. Leiknir og Fjölnir lenda i 11.- og 12. sæti..Fjölmiðla mafían í Breiðholti tryllist og fer í herferð um fjölgun liða i 1.deild í 16. Fjölnir sem eru fórnarlamb vanrækslu RVK borgar á Íþrottamannvirkjum fá óvæntan stuðning frá borginni. Sem lofar að klára laugardalsvöll ef ársþing KSÍ samþykkir þessa fjölgun.

Gunnar Sigurðarson, Gunnar á völlum

1. Hvaða lið vinnur deildina?
Þróttur vinnur deildina.

2. Hvaða lið missir af umspilssætinu?
Keflavík missir af umspilinu.

3. Hvaða tvö lið falla?
Grindavík og Selfoss falla. Því mig dreymdi þetta í síðustu viku.
Þar sá ég saman komna Halldór Gylfason, Köttara, og Birgi Örn Birgisson, vin minn og Fjölnismann síðari ára en samt gegnheill KR-ingur. Var á þeim nokkurt vín og var söngur mikill. Sláttur á drengjum. Tvo elda sá ég brenna með suðurströndinni og fannst mér eins og ég ég væri á milli þeirra, fannst mér ég vera staddur í Brennisteinsfjöllum.

Haraldur Örn Haraldsson, sérfræðingur Lengjudeildarinnar
1. Hvaða lið vinnur deildina?
Þróttur tekur þetta af því þeir eru besta liðið í deildinni. Vinna síðustu tvo gegn hvítu og rauðu liðunum með þessa ótrúlegu breidd sem þeir hafa í fremstu stöðum.

2. Hvaða lið missir af umspilssætinu?
Keflavík tapar gegn Njarðvík á ljósanætur leiknum og þá verður þetta búið spil fyrir þá. HK þarf þá bara eitt stig, sem kemur í lokaleiknum.

3. Hvaða tvö lið falla?
Fjölnir og Grindavík falla. Fjölnismenn þurfa bara of mörg stig úr þessum síðustu tveim leikjum. Grindvíkíngar tapa síðustu tveim því það er allt í rugli þarna eftir að það var rekið Halla Hróðmars. Leiknismenn því bara heppnir að það allt sé í gangi, þeir sækja líkast til tvö jafntefli í síðustu tveim gegn Selfoss og Fjölni og verða einu stigi fyrir ofan Grindavík.

Sverrir Örn Einarsson, sérfræðingur Lengjudeildarinnar

1. Hvaða lið vinnur deildina?
Hausinn segir Þróttur en það er einhver ára yfir græna hluta Reykjanesbæjar sem ég held að ýti þeim yfir línuna. Mér finnst líklegt að Njarðvíkingar fagni sigri á Ljósanótt í Reykjanesbæjarslagnum og vinni einnig sigur á Grindavík í lokaumferðinni, Þróttur verður samt á toppnum fyrir lokaumferðina en tapar stigum gegn Þór og færir Njarðvíkingum Bestu deildar sæti.

2. Hvaða lið missir af umspilssætinu?
Því miður fyrir vini mína í Keflavík þá verða það þeir. Ég er búinn að bíða í allt sumar eftir því að liðið hrökkvi í gang líkt og það gerði í fyrra eftir erfitt upphaf á mótinu. Það hefur ekki raungerst og miðað við spilamennsku liðsins heilt yfir þá er það bara á réttum stað í töflunni núna í 6.sæti.

3. Hvaða tvö lið falla?
Sumarið hjá Fjölni hefur verið erfitt og þeir fara því miður niður að mínu mati. Liðið hefur misst niður forystu oft og mörgu sinnum í sumar og ég held hreinlega að andlegur styrkur liðsins sé ekki nægur eftir þetta erfiða sumar til þess að koma til baka úr þessu.

Það verður svo annað gult lið sem fylgir þeim niður í 2.deild. Grindavík á gríðarlega erfiða leiki eftir gegn ÍR og Njarðvík og ég bara sé ekki að þeir muni fá eitt einasta stig úr þeim leikjum. Tímapunkturinn á brottrekstri Haralds Hróðrmarssonar er ekki heldur að fara að hjálpa þeim. Þetta gæti þó orðið tæpt og ég sé þá allveg falla á markatölu.

Stefán Marteinn Ólafsson, sérfræðingur um Lengjudeildina

1. Hvaða lið vinnur deildina?
Hjartað syngur Njarðvík og ég ætla að fylgja því alla leið! #Fyrirfánan

2. Hvaða lið missir af umspilssætinu?
Keflavík hafa ekki verið sannfærandi í sumar og verða því miður að horfa á eftir umspilsætinu. Það vonandi vekur Keflvíkinga til umhugsunar og þeir fara í þarfa naflaskoðun.

3. Hvaða tvö lið falla?
Fjölnir verða að tengja saman sigra til að vera í séns og ég sé það ekki gerast svo þeir fara niður. Grindavík er í einhverjum ólgusjó innan sem utan vallar og fylgja Fjölni niður.

Baldvin Már Borgarsson, sérfræðingur

1. Hvaða lið vinnur deildina?
Njarðvík - Ég held að Njarðvík klári sitt prógram á meðan ungt og reynsluminna Þróttaralið muni eiga erfitt með að höndla pressuna sem fylgir lokaleiknum ef þeir verða ekki búnir að misstíga sig gegn HK.

2. Hvaða lið missir af umspilssætinu?
Keflavík - Líta bara ósannfærandi út, verða game over í þessari baráttu eftir daginn í dag reikna ég með.

3. Hvaða tvö lið falla?
Fjölnir og Grindavík - Fjölnir situr á botninum og í verstu stöðunni af öllum þessum liðum, Grindavík gerði svo þau stórkostlegu mistök að reka Halla Hróðmars eftir það afrek að vera ekki búinn að sitja í fallsæti með liðið allt mótið en samt með slakasta leikmannahópinn, þeir eiga bara skilið að smakka aðeins á 2. deildinni fyrir það rugl, verði þeim að góðu.

Kristján Óli Sigurðsson, sparkspekingur

1. Hvaða lið vinnur deildina?
Þór vinnur deildina.

2. Hvaða lið missir af umspilssætinu?
Keflavík missir af úrslitakeppninni.

3. Hvaða tvö lið falla?
Fjölnir og Grindavík falla í 2. deildina.

Arnar Laufdal Arnarsson, samfélagsmiðlakóngur Íslands

1. Hvaða lið vinnur deildina?
Þróttur vinna deildina, eru bara með of marga kónga þarna í liðinu til þess að vinna þetta ekki, með strákinn Augna skólanum Eika Blö, King Kára Kri og þann gríska upp á topp - Væri líka bara miklu skemmtilegra ef Þróttur fara upp

2. Hvaða lið missir af umspilssætinu?
Keflavik missa af Playoffs - einfaldlega því Ari Steinn Guðmundsson hefur ekki verið að spila nægilega mikið

3. Hvaða tvö lið falla?
Í The Mad House munu sturlaðir hlutir að sjálfsögðu gerast - Fjölnir og Leiknir munu bjarga sér á ehv ótrúlegan hátt sem þýðir að Selfoss og Grindjánarnir fara niður þvi? miður fyrir þá

Lengjudeild karla
16:00 HK-Þróttur R. (Kórinn)
16:00 Grindavík-ÍR (Stakkavíkurvöllur)
16:00 Keflavík-Njarðvík (HS Orku völlurinn)
16:00 Þór-Fjölnir (Boginn)
16:00 Leiknir R.-Selfoss (Domusnovavöllurinn)
16:00 Fylkir-Völsungur (tekk VÖLLURINN)