Liverpool, Chelsea og Tottenham eru öll sögð hafa áhuga á Ben White, varnarmanni Brighton. Þessi 22 ára leikmaður hefur spilað frábærlega á lánssamningi hjá Leeds á þessu tímabili.
White hefur enn ekki spilað leik í úrvalsdeildinni en hann er uppalinn hjá Brighton en hefur verið lánaður til Newport County, Peterborough og nú Leeds.
White hefur enn ekki spilað leik í úrvalsdeildinni en hann er uppalinn hjá Brighton en hefur verið lánaður til Newport County, Peterborough og nú Leeds.
White hefur spilað 25 deildarleiki fyrir Leeds á þessu tímabili og var valinn leikmaður mánaðarins í Championship-deildinni í ágúst. Þá valdi Sky Sports hann besta unga leikmann deildarinnar.
Hann lék allan leikinn gegn Arsenal í FA-bikarnum í gær en gat ekki komið í veg fyrir 1-0 sigur Arsenal.
Leeds er á toppi Championship-deildarinnar og setur stefnuna á að komast upp í deild þeirra bestu. Liðið mætir Sheffield Wednesday í Jórvíkurslag á laugardag.
Athugasemdir