Garðar með spjaldið á lofti.
Garðar Örn Hinriksson gaf þremur aðilum á varamannabekk Stjörnunnar áminningu á nánast sömu sekúndunni í 3-2 sigri liðsins á Fylki í kvöld.
Stjörnumenn mótmæltu áætluðum viðbótartíma Garðars en þeir töldu að hann ætti að verða lengri en áætlað var þar sem að Arnar Darri Pétursson varamarkvörður liðsins hafði verið lengi að komast inn á eftir að Ingvar Jónsson fékk rauða spjaldið fyrr í leiknum.
Stjörnumenn mótmæltu áætluðum viðbótartíma Garðars en þeir töldu að hann ætti að verða lengri en áætlað var þar sem að Arnar Darri Pétursson varamarkvörður liðsins hafði verið lengi að komast inn á eftir að Ingvar Jónsson fékk rauða spjaldið fyrr í leiknum.
Garðar tók ekki vel í mótmæli Stjörnumanna en hann hljóp að varamannabekknum og áminnti Henrik Bödker í þjálfarateyminu sem og liðsstjórana Victor Inga Olsen og Sigurð Svein "Dúllu" Þórðarson.
Skömmu síðar náðu Stjörnumenn síðan að jafna leikinn og knýja fram framlengingu þegar Tryggvi Sveinn Bjarnason skoraði með skalla.
Garðar Örn hefur áður á ferlinum ,,raðspjaldað" menn en frægt er þegar hann spjaldaði nokkra leikmenn Leifturs á punktinum í leik gegn Breiðabliki í kringum síðustu aldamót.
Athugasemdir
