Lið 9. umferðar: Sjö að norðan

Þór/KA náði í dýrmæt þrjú stig í Keflavík. Colleen Kennedy olli miklum usla í vörn Keflavíkur og átti hún sinn besta leik í sumar. Arna Sif Ásgrímsdóttir var öflug og hélt hinni öflugu Aerial niðri í leiknum.

Fyrirliði ÍBV Hanna Kallmaier var best á vellinum í Árbænum og batt lið ÍBV saman. Þóra Bjög Stefánsdóttir skoraði fyrra mark ÍBV með glæsilegri aukaspyrnu og var heilt yfir öflug.

Mist Edvarsdóttir var best á vellinum þegar Valur lagði Selfoss í toppbaráttuslag. Mist skoraði fyrsta markið og átti stóran þátt í sigurmarkinu. Dóra María Lárusdóttir átti góðan leik á miðjunni og sköpuðu föst leikatriði hennar mikla hættu.

Agla María Albertsdóttir átti yfir tíu tilraunir að marki Þróttar í gærkvöldi. Hún reyndi mikið sjálf og markið lét bíða eftir sér. Það kom undir lokin þegar Agla María jafnaði með óverjandi skoti upp í samskeytin fjær. Linda Líf Boama var virkilega öflug í leiknum, reyndist varnarmönnum Blika erfið og skoraði annað af mörkum Þróttar í leiknum. Hún átti þá lykilsendingu í seinna markinu.

Fyrri lið umferðarinnar:
1. umferð
2. umferð
3. umferð
4. umferð
5. umferð
6. umferð
7. umferð
8. umferð