Áttunda umferð Pepsi Max-deildar kvenna hófst á þriðjudag og lauk á miðvikudag. Stjarnan, Þróttur og Valur unnu sigra en jafnt var fyrir norðan, bæði á Sauðarkróki og í Þorpinu á Akuyeyri.

Stjarnan lagði Breiðablik á Kópavogsvelli og er með fjóra fulltrúa. Þrjár eru í liðinu og Kristján Guðmundsson er þjálfari úrvalsliðsins. Katrín Ásbjörnsdóttir skoraði bæði mörk Stjörnunnar gegn Íslandsmeisturunum. Anna María Baldursdóttir var best á vellinum og átti stoðsendingu í fyrra markinu, hún er í liðinu í 3. sinn í sumar. Þá er Arna Dís Arnþórsdóttir einnig í liðinu. Arna átti frábæran leik í hægri bakverðinum.

Þróttur vann 1-2 útisigur í Vestmannaeyjum. Íris Dögg Gunnarsdóttir var maður leiksins og varði tvær vítaspyrnur í leiknum. Katie Cousins er svo gott sem með áskrift að liði umferðarinnar. Hún átti flottan leik í eyjum og er í úrvalsliðinu í sjötta skiptið.