Varnarmaðurinn setti fernu - Aldrei spilað þarna fyrir komuna til Íslands

Emma er vön því að spila sem miðvörður en í dag lék hún lengst af fremst á vellinum og nýtti það vel þar sem hún skoraði öll fjögur mörkin hjá sínu liði með stuttu millibili í fyrri hálfleik.

„Ég er vanalega varnarmaður og hef ekki hugmynd um hvað ég er að gera þarna fremst. Gylfi (Tryggvason, þjálfari Grindavíkur/Njarðvíkur) telur að þetta gangi upp og hann hefur rétt fyrir sér í 99% tilfella."

Hún segist elska að spila fremst á vellinum en hún gerði líka þrennu þegar hún spilaði þar í Lengjudeildinni í fyrra.

„Þetta er gaman, minna stress. Ég hafði aldrei spilað þessa stöðu áður en ég kom til Íslands."

Viðtalið má sjá í heild sinni í spilaranum hér að ofan.